Nafta bie me 3% – Rusia dhe Arabia nuk ulen në bisedime / Trump kërcënon me tarifa

Çmimet globale të naftës u rrëzuan të hënën pasi Arabia Saudite dhe Rusia shtynë bisedimet për të zvogëluar prodhimin, pasi pandemia e koronavirus vazhdon të godasë kërkesën.

Nafta e papërpunuar Brent ra 3.1% në 33.10 dollarë në tregtimin e hershëm, ndërsa West Texas Intermediate ra 3% në 27.50 dollarë.

Organizata e Vendeve Eksportuese të Naftës (OPEC) dhe aleatët e saj kishin planifikuar një takim virtual për të hënën. Bisedimet tani ka të ngjarë të zhvillohen të enjten, tha CNBC, duke cituar burime të njohura me çështjen.

Presidenti Donald Trump u tha gazetarëve të dielën se nëse Arabia Saudite dhe Rusia, dy nga prodhuesit më të mëdhenj të naftës në botë, nuk do të bëjnë një marrëveshje për t’i dhënë fund luftës së tyre të çmimeve, ai do të vendosë tarifa “shumë thelbësore” në furnizimet e tyre të naftës.

“Nëse ata nuk bashkohen, unë do t’u vendos tarifa … tarifa shumë të konsiderueshme,” tha Trump. “Unë do ta bëj atë për të mbrojtur dhjetëra mijë punë amerikane!”

D.B – SCAN
Burimi: Business Insder

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.