Nafta bruto e Arabisë Saudite, çmime rekord – Pushtimi rus i Ukrainës, detyron një riorganizim të tregjeve globale të naftës!

Rritja e çmimeve të naftës bruto të Arabisë Saudite për klientët e saj aziatikë është treguesi real botëror, se si pushtimi rus i Ukrainës po detyron një riorganizim të tregjeve globale të naftës.

Prodhuesii naftës i kontrolluar nga shteti Saudi Aramco, rriti çmimin e tij zyrtar të naftës bruto (Arab Light) për rafinerët aziatikë në një çmim rekord prej 9,35 dollarë për fuçi mbi standardin rajonal.

Rritja ishte parashikuar me një anketë të Reuters me shtatë rafinerët, që vlerësonte se çmimi do të rritej midis 10,70 dhe 11,90 dollarë.

Ka disa faktorë që ndikojnë në rritjen e OSP-ve saudite, që priren të përcaktojnë tendencën për lëvizjet e çmimeve nga eksportuesit e mëdhenj të Lindjes së Mesme.

Vlerësimet e performancës për Lindjen e Mesme arritën maksimumin e të gjitha kohërave në mars, që sinjalizon kërkesë të fortë nga rafinerët.

Por në seancat e fundit pati një rënie pasi tregëtarët u ndikuan nga nxjerrja e mundshme e sasive të mëdha të naftës bruto nga rezervat strategjike të vendeve kryesore importuese, të udhëhequra ngai Shtete e Bashkuara për të furnizuar me 180 milionë fuçi për një periudhë gjashtëmujore.

Fitimet e forta të rafinerisë janë shkak që prodhuesit të rrisin çmimet e naftës së bruto.  Aktualisht një rafineri në Singapor që përpunon naftën bruto të Dubait po bën një diferencë prej rreth 18.45 dollarë për fuçi, që është 3-fish më e lartë se mesatarja lëvizëse 365-ditore prej 5.03 dollarësh.

Por pas gjithë këtyre faktorëve qëndron paqëndrueshmëria e  tregjeve globale të naftës bruto, si pasojë e pushtimit i Rus të Ukrainës më 24 shkurt.

Ndërsa eksportet e naftës bruto dhe produkteve të rafinuara të Rusisë nuk janë shënjestruar nga sanksionet perëndimore, blerësit kanë filluar të shmangin ngarkesat ruse dhe të kërkojnë alternativa.

Blerta Lata / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.