Nafta dhe vaji, nën hetim – Braçe: Bordet nuk po ndalin abuzimet, Konkurrenca të jetë më aktive!
Funksionimi i bordeve për monitorimin e çmimit të naftës dhe të produkteve të shportës nuk po ndal abuzimet që po bëhen në treg në kurriz të konsumatorëve shqiptarë.
Shqetësimi është ngritur nga deputetët socialistë dhe demokratë në komisionin e Ekonomisë dhe Financave gjatë dëgjesës së zhvilluar me Kreun e Autoritetit e Konkurrencës. Deputetët janë shprehur se dominimi i tregjeve nga 2-3 kompani sjell abuzime dhe unifikim çmimesh dhe për këtë arsye kanë kërkuar rol më aktiv të këtij institucioni.
Ndërkohë kreu i Konkurrencës u shpreh se tashmë janë në hetim dy tregjet kryesore ku ka pasur rritje çmimesh, nafta dhe vaji vegjetal.
Pak kohë më parë Autoritetit i Konkurrencës ka gjobitur importuesit e plehrave kimikë për unifikim të çmimeve, vendim i cili është rrëzuar nga gjykata.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.