Nafta i rikthehet rritjes – Pritet ndalimi nga BE i naftës ruse. Krahu i ofertës përballet ende me sfida!

Çmimet e naftës u rimëkëmbën të mërkurën pas rënies gati 10% gjatë dy sesioneve të mëparshme, e nxitur nga shqetësimet për furnizimin, ndërsa Bashkimi Europian punon për të fituar mbështetje për një ndalim të naftës ruse dhe pasi prodhuesit kryesorë paralajmëruan se mund të mbushin boshllëkun kur kërkesa përmirësohet.

Nafta e papërpunuar Brent e Londrës u rrit 2,35 dollarë, ose 2,41%, në 104,84 dollarë për fuçi, ndërsa nafta e papërpunuar e Teksasit Perëndimor u rrit me 2,2 dollarë, në 101,97 dollarë për fuçi. Çmimet e naftës kanë rënë me mallrat dhe tregjet e aksioneve këtë javë, për shkak të shqetësimeve për goditjen e aktivitetit ekonomik nga kufizimet e zgjatura të COVID në Kinë dhe rritjet e mprehta të normave të interesit në Shtetet e Bashkuara. Megjithatë, krahu i ofertës ende përballet me sfida.

BE ka propozuar një embargo ndaj naftës ruse, por një votim, i cili ka nevojë për mbështetje unanime, është vonuar pasi Hungaria ka shprehur shqetësime për pasojat që ky vendim do të ketë në ekonominë e vendit. Ndikimi i embargos mund të kufizohet nëse ndalimi zbutet për të lehtësuar shqetësimet e anëtarëve të Europës Lindore, por analistët thanë se çmimet e naftës mund të rriten ende.

Duke theksuar shqetësimet e furnizimit, ministri i energjisë i Emirateve të Bashkuara Arabe, paralajmëroi se kur kërkesa për karburant rikuperohet nga pandemia e koronavirusit, Organizata e Vendeve Eksportuese të Naftës dhe aleatët e saj, së bashku të quajtur OPEC +, mund të mos jenë në gjendje të përmbushin kërkesën pa më tej.

Duke kufizuar fitimet e tregut, dollari mbeti afër nivelit të lartë të dy dekadave përpara publikimit të të dhënave të inflacionit në SHBA.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.