Nafta, në rritje të lehtë – Çmimet mbështeten nga rritja e tregjeve të aksioneve
Çmimet e naftës po qendrojnë në rritje të lehtë në sesionin e fundit të kësaj jave, pas fuqizimit të tregjeve të aksioneve, për shkak të shpersave se SHBA dhe Kina shumë shpejt do të zgjidhin konfliktin tregtar.
Edhe marrëveshja e OPEC dhe Rusisë për të ulur prodhimin ka ndihmuar në rritjen e çmimeve. Nafta Brent e Londrës po tregtohet në rreth 62 dollarë për fuçi, ndërsa nafta Bruto amerikane po tregtohet në rreth 53 dollarë për fuçi. të dy bençmarkët kryesorë pritet të publikojnë fitime për të dytën javë me radhë, duke i cuar fitimet për këtë vit në rreth 11%.
Tregjet janë mbështetur nga shpresat se Uashingtoni dhe Pekini do të shmangin luftën tregtare, pavarësisht se gjatë bisedimeve 3-ditore nuk pati ndonjë njoftim konkret, përveç deklaratave të dyja palëve. Megjithatë, shqetësimet për ngadalësimin e ekonomisë globale kanë kufizuar fitimet. Sipas parashikimeve, Kina do të rritet me hapin më të ngadaltë që nga viti 1990, gjatë vitit 2018 dhe 2019.
Për këtë arsye, shumica e analistëve e kanë ulur parashikimin për rritjen ekonomike gjatë këtij viti poshtë 3%, ndërsa disa të tjerë i frikësohen një recesioni.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.