Nafta rekuperon humbjet e mëparshme – Çmimet rriten nga sanksionet ndaj Rusisë dhe shtimit të rezervave në SHBA!
Nafta u rrit në tregtinë e të Mërkurës, duke zbutur humbjet e hershme, pasi kërcënimi i sanksioneve të reja ndaj Rusisë ngriti shqetësimet për ndërprerje të furnizimeve duke kundërshtuar frikën e kërkesës më të dobët pas rritjes së rezervave të naftës Bruto amerikane dhe karantinimit të të zgjatur të Shangait.
Nafta Brent, çmimi referencë në bursën e Londrës, u rrit me 0.5%, në 107.13 dollarë për fuçi në nisje të tregtisë.
Nafta bruto amerikane u rrit me 0.2%, në 102.17 dollarë për fuçi dollarë për fuçi, pasi ra lehtë në ditën e Martë.
Shtetet e Bashkuara dhe aleatët e saj po përgatitin sanksione të reja ndaj Moskës për vrasjet e civilëve në Ukrainën veriore. Presidenti Volodymyr Zelenskiy i përshkroi si “krime lufte” duke kërkuar dënim proporcional, nga ana tjetër Rusia mohon të ketë shënjestruar civilët.
Sanksionet e propozuara nga Vendet anëtare të Bashkimit Europian, nëse do të miratohen nga të 27 vendet anëtare, ndalojnë blerjen e qymyrit rus dhe do të parandalonin hyrjen e anijeve ruse në portet e Europës.
Britania u kërkoi gjithashtu të arrihet një dakordësi për afatin kohor për të hequr gradualisht importet e naftës dhe gazit nga Rusia.
Dollari u rrit në nivelin e tij më të lartë në gati dy vjet të mërkurën, ç’ka e bën naftën më të shtrenjtë për mbajtësit e monedhave të tjera.
Rezervat e naftës e naftës bruto dhe distilimit në Shtete e Bashkuara u rritën javën e kaluar ndërsa inventarët e benzinës ranë, sipas Institutit Amerikan të Naftës.
Stoqet e naftës bruto u rritën me 1.1 milionë fuçi për javën e mbyllur më 1 prill, kundrejt parashikimit të analistëve për një rënie prej 2.1 milionë fuçi.
Çmimet e naftës mund të qëndrojnë rreth 100 dollarë për fuçi për nbjë periudhë kohe mes shqetësimeve të kërkesës dhe një pritjeje për armëpushim në Lindjen e Mesme gjatë muajit të agjërimit mysliman të Ramazanit, shprehen analistët.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.