Nafta rimëkëmbet në tregtinë e së Martës – Çmimet rriten prej tensioneve gjeopolitike, pasi ranë me rreth 2% të Hënën

Nafta është rimëkëmbur ditën e Martë, duke rikuperuar një pjesë të humbjeve të ditës së mëparshme, ndërkohë që rritja e tensioneve në Europën Lindore dhe Lindjen e Mesme, shtuan pritshmëritë për ndërprerje të mundshme të ofertës. Nafta Brent e Londrës u rrit me 0.7% në 86.88 dollarë për fuçi, pasi preku nivelin më të lartë të të gjitha kohërave prej 87.27 dollarë për fuçi më herët gjatë tregtisë, duke rikuperuar humbjet prej 1.8% të sesionit të kaluar. Nafta Bruto amerikane  u rrit me 0.5% në 83.75 dollarë për fuçi, pasi humbi 2.2% ditën e Hënë.

Çmimet e naftës prekën nivelin më të lartë në 7 vite në javën e kaluar, prej tkurrjes së ofertës në botë dhe rimëkëmbjes së kërkesës.  NATO deklaroi në nisje të Javës se do të vendosë trupa ushtarake në gatishmëri për të përforcuar Europën Lindore me më shumë anije dhe avionë luftarakë, diçka që Rusia e quajti si gjendje “histerike” e perëndimit. Në Lindjen e Mesme, lëvizja Houthi e Yemenit, nisi një sulmë më raketë drejt Emirateve të Bashkuara Arabe, që shënjestronte një bazë që mbante trupa amerikanë, por raketa u shpërthye nga gjurmuesit e ndërtuar nga Shtetet e Bashkuara.

OPEC+, që përfshin Organizatën e Vendeve Eksportuese të Naftës, së bashku me Rusinë, po has vështirësi për të rritur prodhimin drejt 400,000 fuçi shtesë që u ra dakord këtë muaj. Inventarët e ulëta në Shtetet e Bashkuara po ofrojnë gjithashtu pak mbështetje.  Investitorët kanë shtuar pozicionet optimiste për naftën për të pestën javë radhazi, ndërkohë që më e keqja e valës së fundit të Omicron ka kaluar dhe qeveritë po nisin të heqin masat ndaj udhëtimeve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.