Nafta rritet me rreth 3 dollarë – Çmimet rimëkëmben lehtë nga rënia e tregtive të mëparshme
Nafta është rritur me rreth 3 dollarë në tregtinë e ditës së Mërkurë, duke u rimëkëmbur nga humbjet e mëparshme, ndërkohë që sulmi rus në Ukrainë vazhdon të shkaktojë luhatje.
Nafta brent e Londrës u rrit me 2.6% në 102.55 dollarë për fuçi në nisje të tregtisë, ndërsa nafta bruto ameriknae, shtoi 2% në 98.35 dollarë për fuçi.
Të dy kontratat kanë pësuar humbje në ditet e fundit tregtare, me Brent që ra në 98.86 dollarë për fuçi, ndërsa nafta bruto që preku nivelin e ulët 2 javor prej 94.9 dolarë.
Presidenti i Ukrainës, Volodymyr Zelenskiy, tha se qasja e Ukrainës dhe Rusisë në bisedimet për paqe po duket gjithnjë e më realiste, por shtoi se duhet më shumë kohë.
Analistët thonë se tregu po pret për më shumë të dhëna në lidhje me armëpushimin, pas 2 ditëve të shitjes në bursë, por çmimet e naftës mund të vazhdojnë të jenë nën presion, pasi inflacioni i lartë do të ndikojë tek ekonomia dhe ngadalësojë kërkesën.
Dollari i fortë është një ndër elementët kryesor që po ushtron presion tek çmimet e naftës dhe investitorët presin që Rezerva Federale të rrisë normën bazë të interesit, për të trajtuar inflacionin.
Rritja e interesave do të fuqizonte dollarin amerikan dhe dëmtonte kërkesën për naftë, ndërkohë që një dollar më i fortë e bën naftën të shtrenjtë për mbajtësit e valutave të huaja.
Nafta ra poshtë 100 dollarëve ditën e Martë, që është hera e parë që prej fundit të Shkurtit.
Sesionet tregtare kanë qenë të luhatura që prej sulmit rus në Ukrainë më 24 Shkurt, me çmimin që shënoi nivelin më të lartë në 14 vite më datë 7 Mars. Megjithatë, që prej atëherë, nafta Brent ka rënë me mbi 40 dollarë, ndërsa nafta bruto amerikane, me 34 USD/fuçi.
Çmimet janë vënë nën presion edhe prej ngadalësimit të kërkesës në Kinë, ndërkohë që vendi me popullsinë më të madhe në botë dhe konsumatori i dytë më i madh i naftës, po ndërmerr masa të karantinës, për të frenuar rritjen e shpejt të rasteve me Covid-19 atje.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.