Nafta rritet nga niveli më i ulët i 3 javëve – Shqetësimet për ndërprerje të furnizimeve vazhdojnë, pavarësisht nxjerrjes nga rezervat strategjike

Nafta u rrit në tregtinë e së enjtes pasi vendet prodhuese njoftuan një çlirim të madh të naftës nga rezervat e emergjencës, ndërkohë shqetësimet për furnizime shkaktonin luhatje në  perspektivën e tregut.

Nafta Brent, çmimi referencë në bursën e Londrës, u rrit me 1,4%, në 102,52 dollarë për fuçi në nisje të tregtisë, ndërsa nafta bruto amerikane u rrit me 1,6 % në 97,78 dollarë për fuçi.

Të dy kontratat ranë më shumë se 5% në seancën e një dite më parë dhe arritën nivelet më të ulëta që nga 16 Marsi.

Vendet anëtare të Agjensisë Ndërkombëtare të Energjisë ranë dakort të nxjerrin  60 milionë fuçi krahas një lëshimi prej 180 milionë fuçish të njoftuar nga Shtetet e Bashkuara javën e kaluar për të ndihmuar në uljen e çmimeve pas pushtimit rus të Ukrainës.

Pavarësisht nxjerrjes urgjente të naftës nga rezervat strategjike oferta mbetet e ulet, shprehen analistët.

Tregtarët gjithashtu theksojnë se  Agjensia Ndërkombëtare e Energjisë pasqyron vendosmërinë e fortë politike kundër naftës ruse për pushtimin e saj në Ukrainë, por nuk është e mjaftueshme për të plotësuar mungesën aktuale të furnizimit.

Rafinierët shtetërorë në Kinë, vendit importues më të madh të naftës në botë, respektojnë kontratat ekzistuese të naftës ruse, por po shmangin ato të reja, duke qenë të vëmendshëm ndaj thirrjes për kujdes nga Pekini.

Ndërkohë Australia zyrtare deklaron se nxjerrja e fundit e naftës plus atë të koordinuar nga  Agjensia Ndërkombëtare e Energjisë, njoftuar më 1 Mars barazohet me 1 milion fuçi në ditë në furnizim shtesë nga Maji deri në fund të vitit, ç’ka do të kufizonte çmimet në një afat të shkurtër.

Por në prespektivë afatgjatë  nevoja për të rimbushur rezervat për vitin 2023, shton shtrëngimin e tregut të ardhshëm, ku oferta mbetet e pandryshuar, duke rrezikuar për çmim shumë të lartë.

Bisedimet e ndaluara midis Iranit dhe Shteteve të Bashkuara për ringjalljen e një marrëveshjeje të vitit 2015 për programin bërthamor të Teheranit kanë vonuar mundësinë e heqjes së sanksioneve ndaj naftës iraniane, duke e mbajtur tregun të ngushtë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.