Nafta sërish në rritje – Marrëveshja për uljen e prodhimit mund të shtyhet në 2019
Çmimet e naftës po qëndrojnë në rritje të lehtë në sesionin e sotëm, për shkak të planeve të Arabisë Saudite dhe Rusisë për të shtyrë marrëveshjen për uljen e prodhimit edhe në vitin 2019. Kjo marrëveshje ka hyrë në fuqi në fillim të vitit 2017 dhe skadon në fund të këtij viti.
Rritja e tregut të naftës ka mbështetur edhe aksionet, që publikuan humbje të konsiderueshme në sesionin e kaluar, për shkak të shqetësimeve për një luftë tregtare mes SHBA dhe Kinës. Në anën tjetër, ari që shihet si një aset i sigurtë në periudhë trazirash, u rrit në nivelin më të lartë në 2 javët e fundit.
Presidenti amerikan, Donald Trump, nënshkroi një memorandum për të vendosur tarifa prej 60 miliardë dollarë për produktet që importohen nga Kina, ndërsa Pekini prezantoi plane për të tarifuar me rreth 3 miliardë dollarë produktet amerikane.
Nafta Bruto amerikane po tregtohet në rreth 64.8 dollarë për fuçi, ndërsa nafta Brent e Londrës po tregtohet në rreth 69.4 dollarë për fuçi. Gjatë kësaj jave, nafta Brent ka fituar rreth 5% të vlerës, fitimet më të mëdha javore në korriku i vitit të kaluar.
Çmimet u mbështetët nga deklarata e ministrit të naftës në Arabinë Saudite, Khalid al-Falih, i cili tha se vendet e OPEC dhe Rusia duhet të diskutojnë shtyrjen e marrëveshjes për uljen e prodhimit edhe në 2019.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.