Nafta, sesioni i tretë në rënie – Ndikon rritja e rezervave në SHBA dhe dollari i fortë
Çmimet e naftës po qëndrojnë në rënie edhe gjatë sesionit të sotëm, duke publikuar humbje për të tretin sesion me radhë. Në këtë mënyrë, nafta Brent e Londrës ra poshtë 65 dollarëve për fuçi, për shkak të rritjes së rezervave të naftës në SHBA, prodhimit rekord dhe dollarit të fortë, që kanë eklipsuar marrëveshjen e OPEC për uljen e prodhimit me 1.8 milionë fuçi në ditë.
Administrata amerikane raportoi një rritje të rezervave të naftës bruto, dhe të karburanteve të distiluara. Nafta Brent e Londrës po tregtohet në rreth 64.6 dollarë për fuçi, ndërsa nafta Bruto amerikane po tregtohet në rreth 61.4 dollarë për fuçi. Prodhimi në Shtetet e Bashkuara të Amerikës rezultoi në 10 milionë e 57 mijë fuçi në ditë, gjatë nëntorit të vitit të kaluar, ndërsa ra lehtë gjatë dhjetorit.
Megjithatë, qeveria amerikane parashikon një rritje të prodhimit të naftës në vijim. Në rënien e çmimeve ka ndikuar edhe forcimi i dollarit amerikan, që i bën lëndët e para të denominuara në monedhën amerikane më të shtrenjta për zotëruesit e monedhave të tjera. Indeksi që mat dollarit amerikan u rrit në nivelin më të lartë në 6 javët e fundit, përballë shportës me gjashtë monedhat ndërkombëtare.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.