Nafta sot, 8 shtator 2017 – Zhvillimet në tregjet globale dhe tregun lokal

Rritja e çmimeve të naftës në tregjet ndërkombëtare gjatë sesionit të kaluar nuk është reflektuar në tregun vendas gjatë sesionit të sotëm, për shkak të forcimit të lekut ndaj dollarit amerikan.

Gjatë ditës së sotme, nafta me shumicë në dy portet e vendit shitet me 141.40 lekë për litër, në rritje me vetëm 0.01% në krahasim me sesionin e kaluar. Çmimi i pasqyruar është aktual dhe i referohet vetëm ditës së sotme.

Luhatjet në çmimin e shumicës, përveç çmimit me të cilin kuotohet në bursë, vijnë edhe në bazë të kostove të transportit, cilësisë së produktit të zhdoganuar, kursit të këmbimit ndërmjet dollarit dhe lekut, si dhe barrës  shtetërore.

Këto të dhëna i referohen çmimit përfundimtar me të cilin nafta del nga dy portet e vendit, atë të Durrësit dhe atë të Vlorës, ku përfshihen edhe të gjitha kostot që janë të detyruara me ligj, përfshirë barrën shtetërore, që sot fiksohet në rreth 90.7 lekë për litër, ose 67% e çmimit total.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.