Nafta vazhdon rritjen e javës së kaluar – Çmimet shtojnë mbi 1%. Investitorët presin ndikim të limituar të Omicron

Nafta ka vazhduar rritjen në nisje të Javës ndërkohë që humori i investitorëve u përmirësua prej pritshmërive se Omicron mund të mos shkaktojë një sëmundje të ashpër dhe do të ketë një ndikim të limtuar tek kërkesa botërore. Nafta Brent e Londrës u rrit me 1% në 75.87 dollarë për fuçi, pasi shtoi 1% në tregtinë e së Premtes. Nafta Bruto Amerikane u rrit me 1.2% në 72.52 dollarë për fuçi, pas një rritjeje me 1% në sesionin e kaluar.

Të dy çmimet referencë e mbyllën javën që kaloi me mbi 8% rritje, që ishte dhe fitimi i parë javor në 7 javë.  Çmimet kanë rikuerpuar thuajse gjysmën e humbjeve që pësuan kur u shfaq Omicron nëpër tituj, më 25 Nëtor.  Analistët thonë se ka pautr një lehtësim ndërkohë që rreziku i sëmundjes serioze nga Omicron po shihet si i ulët.  Shkencëtarët në Afrikën e Jugut nuk po shohin ndonjë shenjë se Omicron shkakton sëmundje më të ashpër. Megjithatë, autoritetet kanë lajmëruar plane për të përshpejtuar dozat nxitëse të vaksinës, ndërkohë që infeksionet ditore po arrijnë nivele rekord.

Autoritetet shëndetësore në Britani bënë të ditur se dozat nxitëse rikthejnë bindshëm mbrojtjen kundër sëmundjes së lehtë të shkaktuar nga varianti omicron. Investitorët po monitorojnë edhe Organziatën e Vendeve Eksportuese të Naftës, përpara takimit të radhës më 4 janar. Vendet ranë dakord më herët gjatë muajit që t’i qëndrojnë planeve për të rritur prodhimin gradualisht. Tregu reagoi lehtë ndaj një lajmërimi të premten e kaluar nga Departamenti i Energjisë në SHBA, se do të shesë 18 milionë fuçi nafte nga rezervat strategjike më 17 Dhjetor, në përpjekje për të reduktuar çmimet.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.