Naftëtarët e Ballshit: Duam të punojmë, jemi me borxhe e kredi. Gjiknuri: Çështja statusit merr zgjidhje, bëni gati dokumentacionin
Naftëtarët e Ballshit në një interpelancë me kryeministrin Rama, ministrat Gjiknuri dhe Ahemtaj kërkuan vazhdimin e punës në uzinë, pasi sipas tyre 39% e punonjësve janë me kredi nëpër banka. Gjithashtu ata kërkuar garanci për marrjen e pagave të prapambetura dhe zbatimin e statusit.
“Së pari, kërkojmë fillim dhe vazhdim i mbylljes së punës së rafinerisë, me premtimin tuaj. Së dyti, të garantohen detyrimet e punonjësve si pagat e prapambetura dhe detyrimet e sigurimeve shoqërore e shëndetësore. Së treti, implementimi i statusit të naftëtarit i miratuar para një viti. Mallakastra është zhytur në krizë, punonjësit janë mbytur në kredi nëpër banka. Ta kthejmë në jetë industrinë e përpunimit të thellë të naftës, si i vetmi aset me vlerë në gjithë vendit tonë”, thanë naftëtarët.
Gjiknuri në fjalën e tij tha se uzina nuk është në gjendje për të rifilluar, pasi është në gjendje jo të mirë. Ndërsa u premtoi naftëtarëve që do të përfitojnë gjithçka që përfshin statusi, dhe ata do të jenë grupi i parë që do të trajtohen me shpejtësi.
“Fatkeqësisht uzina nuk është menaxhuar siç duhet nga kompania private. Sa i përket të drejtës për punën e statusit, përgatisni dokumentacionin dhe ju do të jeni grupi i parë që do trajtoheni me shpejtësi. Në momentin që uzina nuk punon ose falimenton, ju përfitoni nga statusi, atë që përcakton statusi. Jeni të parët që komisioni do trajtojë me shpejtësi dhe urgjencë. Çështja statusit merr zgjidhje. Për sa i përket çështjes të nënstacionit, do filloj ndërtimin i një nënstacioni të ri përforcues. Kompania ARMO ka falimentuar, nuk ekziston si kompani. Është e zhytur në borxhe. Ne kemi nisur procedurat tona ligjore për të rikuperuar çdo lloj aseti që është rikuperuar. Kam autorizuar që të sekuestrohen asetet për borxhet”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.