‘Nata e fundit e lirisë për francezët’ – Vendi vendoset në shtetrrethim për një muaj
Miliona francezë shijuan një natë të fundit të lirisë përpara se një shtetrrethim Covid-19 në Paris dhe qytete të tjera të mëdha të hynte në fuqi në mesnatë, për të paktën një muaj, i nxitur nga një valë alarmante në raste të reja.
Shtetrrethimi synon të mbajë rreth 20 milion njerëz në shtëpi nga ora 21:00 deri në 6 të mëngjesit, rreth 30 përqind e popullsisë Franceze.
Urdhëri ka ardhur nga Presidenti Emmanuel Macron këtë javë ndërsa numri i infeksioneve dhe vdekjeve të reja ngriti spektrin e mbingarkesave në spitale si ato që janë parë në Mars dhe Prill.
Autoritetet shëndetësore regjistruan më shumë se 25,000 raste të reja me koronavirus, pas rekordit me mbi 30,000. Një total prej 122 personave u tha se kishin vdekur nga virusi në 24 orë.
Humori në rrugët e kryeqytetit Paris përpara fillimit të ndalimit të ditës ishte diçka e ngjashme me pragun e Vitit të Ri, me tavolina të tejmbushura në bare dhe tingujt e të qeshurave në ajër.
‘Asnjëherë nuk kam parë diçka të tillë’
Infeksionet e reja janë rritur më shpejt midis qytetarëve të moshuar, me raste të konfirmuara me rreth dy të tretat gjatë gjashtë javëve të fundit, u tha gazetarëve Sophie Vaux, një epidemiolog në agjencinë shëndetësore Sante Publique.
Situata në shtëpitë e pensioneve është bërë përsëri “shumë shqetësuese”, tha agjencia.
Autoriteti shëndetësor i ARS-së për rajonin juglindor Auvergne-Rhone-Alpes, i cili përfshin Grenoble, Lyon dhe Saint-Etienne, u kërkoi spitaleve të anulonin të gjitha operacionet jo urgjente për të ruajtur kapacitetin e kujdesit intensiv për rastet e ardhshme Covid.
Kryebashkiaku i Parisit Anne Hidalgo po bën presion mbi qeverinë për të lehtësuar rregullat për teatrot, kinematë dhe vendet e tjera kulturore në mënyrë që klientët të kthehen në shtëpi më vonë.
Kryeministri Jean Castex shtoi të Premten: “Rregullat duhet të zbatohen për të gjithë”.
Pronarët e restoranteve janë ankuar hidhur për një masë që ata thonë se ka pak kuptim duke pasur parasysh rregullat e rrepta të distancës sociale që ata kanë zbatuar tashmë.
Kryetari i bashkisë së Marsejës, Michele Rubirola tha se banorët po paguanin çmimin “përmes humbjes së kënaqësive të tyre të përditshme, lirisë së tyre ose përmes vështirësive ekonomike”.
Njerëzit do të kenë nevojë për një certifikatë të nënshkruar ose një version elektronik të shkarkuar në një telefon për aktivitetet e lejuara gjatë ndalimit të orës, të tilla si shëtitja e qenit të tyre, ose rrezikojnë një gjobë prej 135 eurosh ashtu si gjatë bllokimit dy-mujor në fillim të këtij viti.
Kundërvajtësit e përsëritur mund të përballen me gjobë deri në 3,750 euro.
Pa kufizime udhëtimi
Masa e shtetrrethimit, pak përpara fillimit të një pushimi shkollor dy-javor, nuk përmban kufizime të udhëtimit, duke rritur mundësinë që një numër i madh i familjeve të largohen nga qytetet për në vend.
Kjo bëri që zyrtarët në Le Touquet, një qytet turistik i njohur në Kanalin Anglez, të vendosnin shtetrrethimin e tij, me bare dhe restorante të urdhëruar të mbylleshin në 11:30 pasdite.
Në mbarë vendin, festimet e dasmave dhe ahengjet e tjera në vendet publike, si dhe festat studentore janë nxjerrë jashtë ligjit, dhe njerëzit po nxiten të kufizojnë tubimet në shtëpi private në gjashtë persona.
“Ne duhet të veprojmë. Ne duhet të vendosim një frenim në përhapjen e virusit,” tha Macron kur ai gjithashtu e vendosi vendin nën një gjendje të jashtëzakonshme shëndetësore.
Transmetuesi publik France Television tha se do të bënte të pamundurën për të ndihmuar njerëzit përmes shtetrrethimit duke shtuar një film artistik çdo natë në programin e tij të zakonshëm, kryesisht gjatë kohës së parë.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.