Natë lufte në Barcelonë – Përplasje, të plagosur dhe të arrestuar, qyteti në kaos
Gjatë natës se të Premtes, protestat në Barcelonë janë përshkallëzuar ndjeshëm duke sjellë përplasje mjaft të forta mes demonstruesve dhe policisë në ditën e 5-të të tyre. Demonstruesit gjuajtën forcat policore me objekte të ndryshme, ndërkohë që autoritetet u përgjigjën me plumba manovre. Kryeqyteti i Katalonjës i ngjan më shumë një skene lufte pas përplasjeve të dhunshme gjatë ditëve të fundit.
Më herët gjatë javës ndërkohë, protestuesit u përplasën dhunshëm jo vetëm me policinë por edhe me grupimet e djathta, që janë kundër pavarësisht së rajonit. Në qytet janë mbajtur edhe protesta të tjera nëpër rrugë, duke denoncuar mbajtjen në burgim të 9 liderëve pro pavarësisë të arrestuar më herët. Këto protesta kanë rezultuar mjaft paqësore. Nata e gjatë e përplasjeve në Barcelonë ka sjellë dhjetëra të plagosur e të arrestuar të tjerë. Sipas informacioneve paraprake të plagosurit janë 89 ndërsa të arrestuarit 31.
Çdo gjë ka degraduar gjatë orëve të mbrëmjes, pasi më herët gjatë ditës, protesta rezultoi mjaft paqësore. Situata jashtë kontrollit ka bërë që autoritetet të mbyllin disa prej objekteve kryesore turistike në Barcelonë, Sagrada Famiglia një ndër to. Nga ana tjetër, edhe el Classico, ndeshja mes Barcelonës dhe real Madrid është shtyrë për këtë arsye.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.