NATO do të ndihmojë Ukrainën të përgatitet për një sulm të mundshëm bërthamor!
Sekretari i Përgjithshëm i NATO-s, Jens Stoltenberg thotë se aleanca ushtarake perëndimore ka rënë dakord t’i sigurojë Ukrainës pajisje për t’u mbrojtur kundër kërcënimeve kimike, biologjike dhe bërthamore nga Rusia.
Duke folur në samitin urgjent të NATO-s në Bruksel për luftën në Ukrainë, Stoltenberg tha se paketa përfshin mbështetje mjekësore dhe trajnime për kontaminimin dhe menaxhimin e krizave.
Ajo vjen mes frikës se nëse fushata ruse ngec gjithnjë e më shumë pas dështimit të sulmit të hershëm për të arritur objektivat e saj, Vladimir Putin mund të shikojë të përshkallëzojë konfliktin ose të përdorë një mizori spektakolare për të ndryshuar ekuilibrin në favor të Moskës.
Shefi i NATO-s tha se liderët janë të shqetësuar, “pjesërisht sepse ne shohim retorikën dhe shohim se Rusia po përpiqet të krijojë një lloj preteksti” se mund të përdorë “armë kimike dhe biologjike” në Ukrainë.
Presidenti ukrainas Volodymyr Zelenskyy u bëri thirrje liderëve të NATO-s që t’i japin 1 % të armëve të tyre Ukrainës, ndërsa ata u mblodhën në Bruksel një muaj pas ditës që kur Rusia filloi pushtimin e saj.
Duke folur përpara takimit urgjent të NATO-s, ai kërkoi që kjo të mbulonte avionë, tanke, një sistem raketash, armë kundër anijeve dhe pajisje të mbrojtjes ajrore, duke shtuar se “Rusia po përdor të gjithë arsenalin e saj kundër nesh”. AFP
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.