NATO, në periudhë krize: Trump sulmon aleatët europianë. -Turqia do të kundërshtojë planet e aleancës!
Presidenti i Shteteve të Bashkuara, Donald Trump, sulmoi aleatët europian në nisje të samitit të NATO në Londër këtë javë, duke veçuar komentet negative të presidentit francez Emmanuel Macron ndaj aleancës dhe mungesën në financim nga Gjermania. Duke vënë në dukje mosmarrëveshjet e mëdha brenda aleancës nga të dyja anët e oqeanit Atlantik, Trump kërkoi që Europa të paguajë më shumë për mbrojtje dhe të mbështesë interesat tregtare të SHBA.
Komentet janë të njëjta me ato të bëra nga Trump përpara samitit të NATO në Korrik 2018. Kjo do të shtojë dyshimet mbi të ardhmen e aleancës, që u përshkrua nga Macron si e “vdekur” nga ana operacionale, përpara takimit në Londër që përkon edhe me 70 vjetorin e krijimit të NATO. “Kjo është një deklaratë e ashpër dhe negative për të gjithë vendet anëtare”, tha Trump. Duke lidhur ngushtë mungesën e financimit nga Europa me mbrojtjen e interesave tregtare të SHBA, Trump tha se është koha që Europa të ndryshojë qasje në të dy frontet.
“Nuk është koha për të përfituar nga NATO dhe gjithashtu nga tregtia”, tha Trump duke përmendur debatet nga subvencionimi i avionëve e deri te taksa dixhitale e kompanive amerikane. Duke injoruar komentet e fundit nga Gjermania se është gati për të shpenzuar më shumë në mbrojtje, Trump e quajti fajtëtor vendin, së bashku me shtete të tjera që shpenzojnë poshtë 2%-shit të PBB. Aleanca po cënohet edhe nga Turqia, që ka kundërshtuar planin e NATO për të mbrojtur vendet e Balltikut, nëse nuk njihet milicia kurde si një grup terrorist. Kurdët kanë mbështetur prej kohësh Shtetet e Bashkuara në luftën kundër Shtetit Islamik në Siri, ndësa Turqia i konsideron armiq për shkak të rebelimeve në Juglindje të vendit.
“Nëse miqtë tanë të aleancës nuk njohin ata si organizatë terrorsite, ne do të kundërshtojnë çdo masë që ndërmerret në samit”, tha presidenti Erdogan përpara se të nisej në Londër.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.