Ndahet nga jeta Xhorxh H.W.Bush, udhëheqësi që formoi historinë e SHBA për dekada të tëra
Xhorxh Herbert Walker Bush, veteran i Luftës së Dytë Botërore, i cili u zgjodh President i 41-të i Shteteve të Bashkuara ka vdekur në moshën 94-vjeçare. Lajmi u konfirmua nga familja e tij përmes një deklarate.
Edhe pse mbajti postin e Presidenti vetëm një mandat 4-vjeçar, përgjatë viteve 1989-1993, George H.W.Bush ka formuar historinë e SHBA për dekada të tëra.
Bush përkrahu një formë “konservatore dhe më të butë”, ndjekur politika që ndihmuan në rrëzimin e perandorisë sovjetike dhe inicuan fushata ushtarake që rrëzuan një diktator të huaj duke dëmtuar një tjetër. Ai jetoi më gjatë se çdo president tjetër i SHBA, dhe kryesoi rënien e Luftës së Ftohtë, të ndjekur nga rënia e Murit të Berlinit.
Ndërkohë, në një kohë kur Lufta e Ftohtë po mbaronte dhe ndikimi i komunizmit në stilin sovjetik ishte duke u zbehur, veprimet ushtarake dhe diplomatike të Bushit nxitën fort Shtetet e Bashkuara si superfuqia kryesore në botë.
Presidenti Richard Nixon e emëroi ambasador në Kombet e Bashkuara në vitin 1971 dhe dy vjet më vonë, Bush u bë kryetar i Komitetit Kombëtar Republikan. Një tjetër president republikan, Gerald Ford, e emëroi atë si një të dërguar në Kinë në vitin 1974 dhe pastaj drejtor të CIA-s.
Donald Trump, përmes një deklarate të Shtëpisë së Bardhë, ka lavdëruar ish-presidentin Bush për “gjykimin e tij të shëndoshë, mirëkuptimin dhe udhëheqjen e palëkundshme”.
Bush nuk e mbështeti republikanin Donald Trump, fituesin e zgjedhjeve presidenciale të vitit 2016, i cili sulmoi Jebin dhe Xhorxh W. Bush gjatë fushatës së tij.
Ndërkohë, mirënjohje ka shprehur edhe ish-presidenti, Barack Obama, i cili e quajti bush ‘një shërbëtor patriot e të përulur’.
“Ndërsa zemrat tona sot janë të rënda, ato janë gjithashtu të mbushura me mirënjohje. Jeta e Bushit ishte një testament për nocionin se shërbimi publik është një thirrje fisnike dhe e gëzueshme”, thuhet në deklaratën e Obamës.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.