Ndërgjegjësimi për mjedisin – Vokopola: Duhet financim për më shumë evente
Ndërgjegjësimi është një ndër elementët thelbësore për mbrojtjen e mjedisit, ndaj është e rëndësishme që qeveria, por jo vetëm, të kontribuojë në mbrojtjen e tij përmes organizimit dhe financimit të sa më shumë eventeve, të cilët kanë impakt të drejtpërdrejtë tek publiku. Kështu ka deklaruar për televizionin SCAN Drejtoresha e Institutit për Kërkimet Urbane, Zana Vokopola.
“Ti qytetarët do t’i ndërgjegjësosh me të gjitha format që ata duan. Zgjodhëm ne në festival Pazarin e Ri. Pse? Është gjithmonë aktiv, përherë me njerëz. Njerëzit vijnë për të pirë një kafe dhe ti I shfaq një film dhe ato shikojnë problem mjedisore që I takojnë atyre vetë. Dhe t’i nga këto filma kupton që vende të zhvilluara dhe pse bëjnë zhvillim masiv ekonomik dhe pse kanë elementin bazë globalizmin, kanë gjetur zgjedhje alternative, që ta bëjnë këtë zhvillim duke I ruajtur burimet natyrore. Ne flasim për një projekt si do e realizojmë këtë shërbim. Mirëpo ne duhet të shikojmë sa na lejojnë burimet financiare në morinë e prioriteteve që ka një bashki, ose që ka Shqipëria. Sigurisht, do bësh një zgjedhje bazuar edhe në sasinë e fondeve që ka”.
Mbrojtja e mjedisit është kthyer në një ndër prioritetet e qeverisë për pastrimin dhe marrjen e masave për të parandaluar dhe ulur ndotjen e ujit, ajrit, tokës dhe ndotjeve të tjera. Për këtë ministria e Turizmit dhe Mjedisit ka filluar prej disa ditësh një aksion mbarëkombëtar për pastrimin e kësaj pasurie të përbashkët, e cila ka një ndikim të madh edhe në zhvillimin e turizmit.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.