Ndërhyn Banka e Rusisë – Ul normën bazë të interesit në 9.25%, premton reduktime të tjera

Banka Qendrore e Rusisë uli normën bazë të interesit për të dytën herë këtë vit dhe bëri të ditur se do të ndërmarrë më shumë veprime të tilla në një kohë që inflacioni vazhdon të bie.

Banka Qendrore uli normën e interesit në 9.25% nga 9.75%.

“Projeksionet qëndrojnë për një rënie të çmimeve të konsumit në 4% deri në fund të 2017-ës. Në 2018-2019, inflacioni do të qëndrojë brenda nivelit objektiv“, deklaroi institucioni.

Banka deklaroi se nuk do të ndryshojë planin për ulje në mënyrë graduale të normave të interesit në dy tremujorët e ardhshëm. Guvernatorja, Elvira Nabiullina tha se institucioni do të konsiderojë ulje me 25-50 pikë bazë (0.25-0.5%).

Rubla ra ndjeshëm në 57.19 kundër dollarit amerikan, duke u stabilizuar më vonë në 57.04.

Pavarësisht ngadalësimit të inflacionit në 4.2-4.3% në fund të muajit Prill, nga rreth 17% që ka qëndruar 2 vite më parë, banka përsëriti shqetësimet mbi  nivelin e çmimeve dhe tregjet globalë.

Ndërkohë që do të marrë vendime të mëtejshme, institucioni deklaroi se do të marrë parasysh skenarin “bazë”, ku pritet që çmimet e naftës të bien në 40 dollarë për fuçi deri në fund të vitit. Takimi i radhës do të jetë më 16 Qershor.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.