Ndërhyrjet e paligjshme në rrjetin elektrik, OSHEE kryen kontrolle në Elbasan – Dërgohen në Prokurori 7 abonentë

Vijojnë kontrollet për lidhjet e paligjshme të energjisë elektrike në të gjitha qytetet e vendit. Konkretisht në një njoftim për mediat thuhet se në kuadër të kontrolleve ndaj abonentëve debitorë dhe atyre që vjedhin energjinë elektrike, OSHEE e Elbasanit ka zbuluar dhe dërguar në prokurori 7 abonentë.

“Theksojmë se kontrollet janë pjesë e detyrës normale të OSHEE, por forcimi i masave shtrënguese për zbatimin e ligjit janë të nevojshëm për të konsoliduar më tej performancën e kompanisë publike të shpërndarjes së energjisë”, thuhet në njoftimin e OSHEE.

Grupet e Task-Forcës së OSHEE kanë ushtruar kontrolle ditët e fundit në disa qytete të vendit si në Shkodër, Burrel dhe Tiranë. Kontrollet janë ushtruar për të verifikuar ligjshmërinë e furnizimit me energji elektrike të subjekteve private dhe familjare.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.