Ndërmarrjet sociale, Xhafaj: 30% e të punësuarve do të vijnë nga grupet vulnerabël
Qeveria shqiptare synon të mbështesë ndërmarrjet sociale në vend duke synuar gjithashtu integrimin e grupeve vulnerabël nëpërmjet punësimit në këto ndërmarrje.
“Për herë të parë ndërmarrjet sociale do të mbështeten nga shteti financiarisht. 30 për qind e të punësuarve në ndërmarrjet sociale do të vijnë nga grupet vulnerabël”, u shpreh Merita Xhafaj, drejtoreshë e përgjithshme në Ministrinë e Shëndetësisë dhe Mbrojtjes Sociale.
Nga ana tjetër koordinatori i OKB në Shqipëri Brian Williams theksoi nevojën e shtimit të investimeve për mbrojtjen sociale.
“Niveli i investimit nga qeveria shqiptare për mbrojtjen sociale duhet të rritet, pasi jemi ende larg aspiratave për standarde Evropiane”.
Deklaratat u bënë gjatë konferencës kombëtare me temë “Sipërmarrjen Sociale dhe Ekonominë e Gjelbër në Shqipëri”, organizuar nga UN Women në bashkëpunim me Ministrinë e Shëndetësisë dhe Mbrojtjes Sociale.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.