Ndërsa e gjithë bota po lehtëson masat kufizuese, ky shtet pretendon se është ‘shëruar’ totalisht nga Koronavirusi!
Zelanda e Re thotë se ka ndaluar transmetimin në komunitet të Covid-19, duke eliminuar në mënyrë efektive virusin. Me raste të reja shumë të pakta për disa ditë – dhe vetëm një rast të Dielën – Kryeministrja Jacinda Ardern tha se virusi ishte “eliminuar” aktualisht.
Por zyrtarët kanë paralajmëruar se kjo nuk do të thotë përfundim të plotë të rasteve të reja të Koronavirusit. Lajmet vijnë disa orë përpara se Zelanda e Re të fillojë lehtësimin e masave të saja shumë të ashpra kufizuese. Nga e marta, disa aktivitete jo-thelbësore të biznesit, kujdesit shëndetësor dhe arsimor do të jenë në gjendje të rifillojnë.
Shumica e njerëzve do t’u kërkohet të qëndrojnë sërish në shtëpi dhe të shmangin të gjitha bashkëveprimet shoqërore. “Ne po hapim ekonominë, por ne nuk po hapim jetën shoqërore të njerëzve,” tha Ardern në konferencën e përditshme të qeverisë.
Zelanda e Re ka raportuar më pak se 1.500 raste të konfirmuara ose të mundshme të Koronavirusit dhe 19 viktima. Drejtori i Përgjithshëm i Shëndetit i Zelandës së Re Ashley Bloomfield tha se numri i ulët i rasteve të reja ditëve të fundit “na jep besim se ne kemi arritur qëllimin tonë të eliminimit”.
Ai paralajmëroi se “eliminimi” nuk do të thotë se nuk do të ketë raste të reja, “por do të thotë që ne e dimë se nga po vijnë rastet tona”. Ardern tha që nuk kishte “asnjë transmetim të gjerë të zbuluar të komunitetit në Zelandën e Re”, duke shtuar: “Ne kemi fituar atë betejë.” Por ajo tha se vendi “duhet të mbetet vigjilent nëse duam të vazhdojmë ta mbajmë atë në atë mënyrë”. (BBC)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.