Ndërtime të paligjshme – IKMT prish nëntë objekte në Jalë

Inspektorati Kombëtar i Mbrojtjes së Territorit ka nisur sot prishjen e nëntë objekteve të ndërtuara në zonën e Jalës, ku ka hasur kundërshti nga banorët e zonës.

Objektet me sipërfaqe të ndryshme dhe me lartësi një dhe dy katërshe, kanë pasur funksione shërbimi, kryesisht në hoteleri.

Aksioni i IKMT ka nisur pasi më parë për këto objekte është bërë procesi i skualifikimit nga ana e institucionit të ALUIZNI-it duke u trajtuar si ndërtim i paligjshëm. Pavarësisht kësaj, sërish IKMT ka bërë njoftimet sipas ligjit.

IKMT ka qenë e mbështetur edhe nga policia e shtetit në këtë aksion.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.