Ndërtimet pa leje, numri i objekteve që futen në proces legalizimi. Kompensimi financiar, pronarët që përfitojnë nga fondi prej 125 mln lekë

Miratohet kalimi i të drejtës së pronësisë ose procesi i legalizimti në disa qarqe. Konkretisht qeveria përmes një vendimi ka miratuar listën e parcelave ndërtimore që kalojnë te pronarët. Bëhet fjalë për procesin e kalimit të pronësisë për  352 parcela ndërtimore. Gjithashtu është miratuar edhe lista e pronarëve që do të përfitojnë kompensim fiancair, si pasojë e zënies nga ndërtimet informale.

Në vebndimin e fundit të Këshillit të Ministrave është miratuar kalimi i pronësisë për:

a)Për Qarkun Shkodër (ZVRPP-ja Shkodër), numri i parcelave ndërtimore është 6 (gjashtë), me sipërfaqe të përgjithshme 2 554 (dy mijë e pesëqind e pesëdhjetë e katër) m²;

b) Për Qarkun Tiranë (ZVRPP-ja Tiranë), numri i parcelave ndërtimore është 86 (tetëdhjetë e gjashtë), me sipërfaqe të përgjithshme 19 292 (nëntëmbëdhjetë mijë e dyqind e nëntëdhjetë e dy) m²;

c)Për Qarkun Berat (ZVRPP-të Berat dhe Kuçovë), numri i parcelave ndërtimore është 6 (gjashtë), me sipërfaqe të përgjithshme 1 443 (një mijë e katërqind e dyzet e tre) m²;

ç) Për Qarkun Gjirokastër (ZVRPP-të Gjirokastër dhe Tepelenë), numri i parcelave ndërtimore është 31 (tridhjetë e një), me sipërfaqe të përgjithshme 7 348 (shtatë mijë e treqind e dyzet e tetë) m²

d) Për Qarkun Kukës (ZVRPP-të Kukës dhe Has), numri i parcelave ndërtimore është 23 (njëzet e tre), me sipërfaqe të përgjithshme 4 820 (katër mijë e tetëqind e njëzet) m²;

dh)Për Qarkun Lezhë (ZVRPP-ja Lezhë), numri i parcelave ndërtimore është 33 (tridhjetë e tre), me sipërfaqe të përgjithshme 11 018 (njëmbëdhjetë mijë e tetëmbëdhjetë) m²;

e) Për Qarkun Durrës (ZVRPP-ja Durrës), numri i parcelave ndërtimore është 10 (dhjetë), me sipërfaqe të përgjithshme 4 806 (katër mijë e tetëqind e gjashtë) m²;

ë) Për Qarkun Korçë (ZVRPP-të Korçë dhe Kolonjë), numri i parcelave ndërtimore është 9 (nëntë), me sipërfaqe të përgjithshme 4 796 (katër mijë e shtatëqind e nëntëdhjetë e gjashtë) m².

f) Për Qarkun Fier (ZVRPP-ja Fier), numri i parcelave ndërtimore është 52 (pesëdhjetë e dy), me sipërfaqe të përgjithshme 20 316 (njëzet mijë e treqind e gjashtëmbëdhjetë) m²;

g) Për Qarkun Elbasan (ZVRPP-të Elbasan, Librazhd dhe Peqin), numri i parcelave ndërtimore është 95 (nëntëdhjetë e pesë), me sipërfaqe të përgjithshme 30 070 (tridhjetë mijë e shtatëdhjetë) m².

Masa e kompensimit

Masa e kompensimit është 13 028,35 (trembëdhjetë mijë e njëzet e tetë presje tridhjetë e pesë) m² dhe vlera totale e kompensimit financiar është 125 106 277,75 (njëqind e njëzet e pesë milionë e njëqind e gjashtë mijë e dyqind e shtatëdhjetë e shtatë presje shtatëdhjetë e pesë) lekë;

“Vlera e miratuar e kompensimit financiar për pasuritë: nr.41/11, në zonën kadastrale 1986, nr.907/6, në zonën kadastrale 2569, nr.1/156, në zonën kadastrale 8120, nr.4/711, në zonën kadastrale 8180, nr.20/239, në zonën kadastrale 8523, nr.4/175, në zonën kadastrale 1594, sipas seksionit të veçantë të shtojcës 1, që i bashkëlidhet këtij vendimi, vihet në dispozicion nga Agjencia e Trajtimit të Pronës, pas miratimit nga kreditori, sipas pikës 12, të vendimit nr.465, datë 22.6.2016, të Këshillit të Ministrave, “Për përcaktimin e procedurave dhe rregullave për kalimin e së drejtës së pronësisë mbi parcelën ndërtimore të objekteve informale””, thuhet në vendim.

Zyrat vendore e regjistrimit të pasurive të paluajtshme Shkodër, Tiranë, Berat, Kuçovë, Gjirokastër, Tepelenë, Kukës, Has, Lezhë, Durrës, Korçë, Kolonjë, Fier, Elbasan, Librazhd dhe Peqin të regjistrojnë, brenda 5 (pesë) ditëve nga hyrja në fuqi e këtij vendimi, kalimin e së drejtës së pronësisë së parcelave ndërtimore dhe hipotekën ligjore mbi to, në përputhje me përcaktimet e pikave 15 e 16, të vendimit nr.1095, datë 28.12.2015, të Këshillit të Ministrave, “Për përcaktimin e rregullave të bashkërendimit të punës, ndërmjet ALUIZNI-t dhe ZQRPP-së, dhe të procedurave apo kufizimeve që zbatohen për efekt të regjistrimit të pasurive të legalizuara”.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.