Ndërtimi i “kalimit turistik”, FSHZH informon për ecurinë e punimeve për rikonstruksionin e Pogradec-Tushemisht (FOTO)
Fondi Shqiptar i Zhvillimit informon lidhur me ecurinë e punës për rikonstruksionin e rrugës Pogradec-Tushemisht.
“Aktualisht vijon puna për ndërtimin e veprave të artit dhe vazhdojnë proceset: fv hekur, ndërtim armature etj. si dhe po realizohet ngjeshja me rul e tabanit të rrugës. Gjithashtu ka filluar procesi i shtrimit të membranës së gjeotekstilit, gjeogride dhe shtresat e çakëllit.
Deri dje banorët e kësaj zone dhe vizitorët vuanin pasojat e një rruge totalisht të amortizuar, shkak për aksidente. Sot në proces rikonstruksioni, po ndërtohet një “kalim turistik”, në shërbim të drejtëpërdrejtë të çdo qytetari dhe të turizmit.
Paralel me “liqenin e dritës” ky aks i ri pritet të zhvillojë një rehabilitim të të gjitha problemeve të infrastrukturës dhe realizimin e elementëve si korsi për biçikleta, shtigje për këmbësore, punime ndriçimi, gjelbërimi etj”njofton FSHZH.
Kjo ndërhyrje vjen në kuadër të programit “Rrugët lidhëse rajonale” me financim të Qeverisë Shqiptare dhe Bankës Botërore, në zbatim nga Fondi Shqiptar i Zhvillimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.