Ndërtimi i rrugës Palasë – Dhërmi. Çfarë parashikon projekti, që nga akset e deri te veprat e artit

Autoriteti Rrugor Shqiptar ka shpallur tenderin për supervizionin e punimeve të ndërtimit të rrugës Palasë – Dhërmi. Fondi i vënë në dispozicion të projektit është 12 milionë lekë, ndërsa ky tender në vetvete është zgjatim i projektit të shpallur në Agjencinë e Prokurimit Publik në tetor, për ndërtimin e rrugës Palasë – Dhërmi.

“Ky projekt e trajton aksin rruga Palasë – Dhërmi si vazhdim të aksit rrugor Orikum – Himarë në aspektin e parametrave gjeometrik, sinjalistikës dhe sigurisë rrugore. Ky projekt fillon me lokacionin e fundit të lotit Tunelit Llogara, ndërprerja e rrugës me rrugën zbritëse Rrugët e Bardha Palasë, vazhdon më tej duke i bërë Bypass zonave të mbrojtura të fshatrave Palasë, Dhërmi, e duke u lidhur me nyje të rëndësishme me dalje në rrugën e Perivolos për zonën e Drimadhës, e më pas vjen nyja e fundit në rrugën e kampit Dhërmi. Kështu lihet e mundur lidhja me perspektivën e Himarës” specifikohet në detajet e tenderit.

Ndërkaq, sipas dokumentacionit të projektit, parashikohet dhe ndërtimi i Urës së Palasës, e cila do të ketë një gjatësi 108 metra.

SCAN

Lexo edhe:

Rrugë e re Palasë – Dhërmi! ARRSH miraton fondin 1.6 miliardë lekë/ Tenderi

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.