Ndërtimi i rrjetit me fibër dhe Wi-Fi – Bashkia e Elbasanit tender 79.8 mln lekë

Bashkia e Elbasanit ka hapur tenderin për projektin e Ndërtimit e Infrastrukturës së Telekomunikacionit. Ky projekt parashikon ndërtimin e një rrjeti me fibër optike dhe vendosjen e infrastrukturës Wireless – Free.

Kështu, nëpërmjet realizimit të këtij projekti qytetarët e këtyre zonave do të mund të kenë qasje në internet. Kjo do të përmirësojë shkëmbimin e të dhënave midis zonave rurale dhe jo vetëm.

Wi-Fi do të mbulojë fillimisht këto zona:

• Qendra Balashe
• Gjinar
• Gjergjan
• Tregan
• Labinot Fushe
• Shirgjan
• Bradashesh
• Gracen
• Paper
• Shushicë

Për këtë projekt, është vënë në dispozicion një fond prej 79.8 milionë lekësh, që do të mundësohen nga Buxheti i Shteti dhe Buxheti i Bashkisë.

Operatorët e interesuar do të kenë mundësi të dorëzojnë ofertat e tyre deri në datën 7 Dhjetor 2017. Projekti pritet të vihet në zbatim 7 muaj pas lidhjes së kontratës me operatorin fitues.

Genta Dobra/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.