Ndërtohet parku më i madh eolik në Kubë – Teknologjia kineze mundëson ndërtimin e tij

Kuba synon të bëhet një nga më shumë se 100 vendet që do të përmbushin kërkesat e tyre për energjinë me burime të rinovueshme si era, uji apo rrezet e diellit deri në vitin 2050, siç parashikojnë ekspertët.

Për të arritur këtë qëllim, Kuba planifikon të prodhojë rreth 24 për qind të nevojave të saj totale të energjisë nga burime të ndryshme të rinovueshme deri ën vitin 2030.

Është një objektiv ambicioz, duke qenë se që nga viti 2006, kombi ishull ka prodhuar vetëm 4.3 për qind të energjisë së saj nga burimet e rinovueshme.

Një nga projektet kryesore në ndërtim e sipër është një kompleks imadh i përbërë nga dy ferma me erë, La Herradura 1 dhe La Herradura 2, që ndodhen në provincën Las Tunas, rreth 600 km në lindje të Havanës.

Ato do të gjenerojnë rreth 101 megavat të energjisë që do të futet në Sistemin Kombëtar Elektrik.

Pas këtij kompleksi është teknologjia kineze, sipas Adela Alvarez, një zyrtare në kompaninë e integruar të menaxhimit të energjisë së Kubës.

Zyrtarët kubanezë zgjodhën dy kompani kineze për furnizimin e projektit “Goldwind Science and Technology Co”, një ofrues global i turbinave të erës gjatë tre viteve të fundit, si dhe Dongfang Electric Corporation, një firmë e specializuar në energjitë e rinovueshme dhe teknologjinë e lartë.

Sipas Xinhuanet, La Herradura 1 do të jetë e pajisur me 34 turbina ere të Goldwind, me një lartësi prej 65 metrash të cilat do të gjenerojnë 1,5 MË të energjisë të shpërndarë në pesë qarqe.

La Herradura 2 do të ketë 20 turbina me erë Dongfang prej 2.5 MW secila, e cila do të kontribuojë me një total prej 50 MË në rrjetin elektrik të Kubës.

Miguel Casi, një zyrtar i Unionit Elektrik në Kubë, tha se ferma e parë e erës do t’i shpëtojë Kubës gati 40,000 ton karburant në vit dhe do të ndalojë gati 130,000 ton dioksid karboni (CO2) që të lirohet në atmosferë.

“Ne vlerësojmë se ferma e dytë e erës mund të shpëtojë 39,000 ton karburant në vit, si dhe 127,000 ton CO2”, shprehet Casi.

Qëllimi është që të ketë të paktën një qark që funksionon deri në fund të këtij viti.

Kuba aktualisht ka më shumë se 9.300 mullinj ere dhe 20 gjeneratorë të shpërndarë në katër fermat ekzistuese të erës në vend, të vendosura në provincën qendrore të Ciego de Avila, në Ishullin Jugor të Rinisë, si dhe në krahinën verilindore të Holguinit, ku gjenden dy prej tyre.

Kapaciteti total i instaluar aktualisht qëndron në 11.7 MË që do të thotë se vendi i Karaibeve do të renditet në vendin e 69 në mbarë botës për sa I përket energjisë së erës.

Havana do të mbajë një forum më titullin “Renewable Energies Cuba 2018”, nga 30 janari deri më 1 shkurt, për të shfaqur mundësi biznesi në sektorin e energjive alternative për investitorët potencialë të huaj.

Deri më tani, më shumë se 50 firma nga 13 vende kanë konfirmuar praninë e tyre, përfshirë këtu një numër të madh të korporatave kineze.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.