Ndikimi i Covid-19 në Eurozonë. Ekonomia tkurret me 12.1% në T2. Rënia më e madhe në histori
Ekonomia e Eurozonës regjistroi tkurrjen më të madhe në histori gjatë tremujorit të dytë, sipas të dhënave paraprake, ndërkohë që inflacioni u rrit papritmas. Në periudhën Prill-Qershor, Produkti i Brendshëm Bruto në 19 vendet që ndajnë euron u tkurr me 12.1% me bazë tremujore, sipas të dhënave të Eurostat. Kjo është rënia më e madhe që kur nisën të regjistrohen të dhënat në vitin 1995, për shkak të masave të karantinës për t’u mbrojtur nga koronavirusi.
Tkurrja ishte më e theksuar se pritshmëritë e tregu dhe ndoqi një rënie me 3.6% në tremujorin e parë të vitit. Inflacioni ka vazhduar trendin rritës, duke thyer projeksionet për një ngadalësim dhe mbështetur pritshmëritë e Bankës Qendrore Europiane. Eurostat theksoi se çmimet e konsumit u rritën me 0.4% me bazë vjetore në Korrik, nga 0.3% në Qershor dhe 0.1% në Maj. Presionet tek çmimet janë përshpejtuar. Duke përjashtuar çmimet e luhatura të ushqimeve dhe energjisë, treguesi bazë u rrit me 1.3%, nga 1.1% në Qershor.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.