Ndotja e detit – Greqia, Qiproja dhe Izraeli do të nënshkruajnë një plan të përbashkët

Greqia, Qiproja dhe Izraeli së shpejti do të nënshkruajnë një plan të përbashkët veprimi për të adresuar ndotjen e detit të naftës, deklaroi ministri i Qipros për bujqësinë dhe mjedisin Nikos Kouialis.

Plani i veprimit do të nënshkruhet nga ministrat e mjedisit të tre vendeve, të cilët pritet të mbajnë një takim trepalësh në Nikosia në fund të tetorit, tha Kouialisi, i cili shtoi se të treja vendet janë të vendosur që në tryezën e 24 tetorit të marrin masat e duhura në kuadër të zbatimit të këtij plani.

Të tre ministrat do të shqyrtojnë gjithashtu edhe çështje të tjera të bashkëpunimit, siç është përpunimi dhe asgjësimi i ujërave të ndotura të trajtuara dhe bashkëpunimi në masat për të adresuar ndryshimet klimatike.

Në çështjen e ndryshimit të klimës, qëllimi ishte që të ketë bashkëpunim midis institucioneve akademike / hulumtuese të Greqisë, Qipros dhe Izraelit.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.