Ndotja e ujërave me inerte kromi – Arrestohet administratori i një fabrike përpunimi

Policia e Shtetit njofton se specialistët për Hetimin e Krimit   në Komisariatin e  Policisë Bulqizë në zbatim të planit të masave  për parandalimin, evidentimin dhe goditjen e krimeve mjedisore arrestuan në flagrancë për veprën penale “Ndotja e ujërave” shtetasin B. L.,  60 vjeç, banues në Burrel,  pasi  gjatë përpunimit të kromit në firmën që ai administron zonën e re në Batër,  Martanesh, është konstatuar se derdhjen e ujërave të ndotura dhe inerteve të mbetura nga procesi i përpunimit të kromit i hidhte  në përroin e Batrës në Martanesh, duke shkaktuar ndotjen e tij.

Drejtoria e Policisë Dibër apelon për të gjithë qytetarët që të mos tentojnë të kryejnë krime mjedisore, si ndërtime pa leje, prerje të paligjshme të pyjeve, ndotje të ajërit, ndotje të ujërave apo çdolloj krimi tjetër, pasi do të përballen me forcën e ligjit.

DVP Dibër fton qytetarët që të denoncojnë në numrin 112 dhe në Komisariatin Dixhital, çdo paligjshmëri, duke iu garantuar anonimat të plotë, reagim të menjëhershëm dhe të paanshëm.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.