Ndryshim drastik i motit – SHMU: Rënie e theksuar e temperaturave në të gjithë vendin
Shërbimi Meteorologjik Ushtarak bën me dije se ditën e Enjte vendi ynë parashikohet të ndikohet nga kushte të qëndrueshme atmosferike ndërsa moti do të jetë i kthjellët në të gjithë territorin përjashtuar vranësirat e pakta kalimtare në relievet malore.
Sipas njoftimit era parashikohet të fryjë me drejtim kryesor nga kuadrati i veriut e fortë deri dhe intensive me shpejtësi mesatare 3-12m/s, përgjatë vijës bregdetare, zonat e ulta pranë tyre dhe zonat luginore era me shpejtësi deri në 20-25m/s ndërsa valëzimi i forcës 2 dhe 4 ballë.
SHMU thekson se gjithashtu se për shkak të temperaturave negative dhe reshjeve të dëborës në zonat malore priten ngrica të forta përgjatë akeseve rrugore.
Temperaturat parashikohen në:
zonat malore -5°C deri në 6°C
zonat e ulëta 1°C deri në 13°C
zonat bregdetare 4°C deri në 12°C.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.