Ndryshime në shkëmbimet tregtare Shqipëri-Kosovë! Eksportet + 4.3 mld lekë, importet +2.6 mld lekë. Grupmallrat me rritjen më të madhe
Gjatë vitit 2017, shkëmbimet tregtare mes Shqipërisë dhe Kosovës kanë shënuar rritje. Referuar të dhënave të tregtisë së jashtme të publikuara nga INSTAT, rezulton se gjatë vitit 2017 Shqipëria ka eksportuar drejt Kosovës thuajse 21 miliardë lekë mallra, rreth 4.3 miliardë lekë më shumë se në vitin 2016.
E sa i përket importeve, gjatë vitit të kaluar ato kanë shënuar rritje gjithashtu. Referuar të dhënave të INSTAT, gjatë vitit 2017 Shqipëria ka importuar nga Kosova 8.4 miliardë lekë mallra, rreth 2.6 miliardë lekë më shumë se vitit 2016.
Por cilat mallra kanë ndikuar në këtë rritje të eksporteve drejt Kosovës?
Te eksportet, grup-mallrat që kanë ndikuar më shumë në rritje janë “Mineralet, lëndë djegëse e energji elektrike” ku gjatë vitit 2017 janë eksportuar 1.3 miliardë lekë më shumë se 2016 dhe “materiale ndërtimi e metale” ku gjatë 2017 janë eksportuar 2.7 miliardë lekë më shumë se në vitin 2016, raporton portali ekonomik SCAN.
Shkëmbimet Shqipëri-Kosovë gjatë viteve 2016-2017
Importe 2016 5.819 milion lekë
Importe 2017 8.443 milion lekë
Eksporte 2016 16.605 milion lekë
Eksporte 2017 20.923 milion lekë
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.