Ndryshime të tjera në SHISH, 19 autovetura të reja për shërbimin informativ – Detajet e tenderit

Krahas ndryshimit të drejtuesit të Shërbimit Informativ të Shtetit, ky institucion duket se do të ndërrojë edhe flotën e automjeteve. Ministria e Brendshme do të porosisë për llogari të SHISH, 19 autovetura të reja, për një vlerë totale 23.75 milionë lekë, ose rreth 178 mijë euro.

Në procedurën publike të hapur ditën e hënë, bëhen të ditura edhe detajet e tjera të këtij tenderi, i cili do të qëndrojë i hapur deri në 22 Nëntor. Krahas automjeteve për SHISH, MB do të porosisë edhe një fuoristratë për Autoritetin e Mbikëqyrjes së Lojërave të Fatit.

Automjetet duhet të jenë me kilometrazh zero dhe të certifikuara për konformitet me rregullat e Bashkimit Europian.

Më poshtë janë specifikimet teknike për autoveturat e reja të SHISH:

Karakteristikat e motorit:

numri i cilindrave në linjë 4 (katër)

karburanti : naftë (diesel)

cilindrata e motorit të jetë jo më e vogël se 1560 cm3

fuqia e motorit të jetë jo më pak se 90 HP (kuaj fuqi)

kategoria ambientale të jetë jo më e vogël se EURO 5

fuqia në boshtin motorik të jetë jo më e vogël  se 200 Nm

niveli i emetimit të CO2 në kushte të lëvizjes urbane, jo më e madhe se 129 gr/km

pozicioni i vendosjes së motorit në automjet, përpara

Karakteristikat e automjetit:

• shpejtësia e lëvizjes të jetë jo më e vogël se 180 km/orë
• numri i ndërrimit të lëvizjes (marshet) të jetë jo më pak 5+1
• kutia e shpejtësisë të jetë manuale
• viti prodhimit të jetë 2016 ose 2017
• numri dyerve 4+1, me model karrocerie “berlina” (sedan)
• sistemi i drejtimit të jetë hidraulik, elektrik
• distanca aksiale të jetë nga 2500 deri 2700 mm
• përmasat L x B x H (gjatësi x gjerësi x lartësi) në mm. të jenë; L (nga 4300 deri 4485) x B (nga 1700 deri 1860) x H (nga 1400 deri 1520)
• ngjyra të jetë në variantet; e zezë, blu e errët, e bardhë, gri në nuancat e saj, bezhë.

Sasitë e furnizuara të përfshijnë jo më pak se 3 (tre) alternativa ngjyrash. Një alternativë ngjyre të përfshijë jo më pak se 3 (tre) automjete.

• të jetë me opsionet e klimës (ajër i kondicionuar), radio SD/Cart ose CD/mp3 me ekran të integruar, ABS, airbag.
• numri i vendeve të ulur (përfshirë atë të drejtuesit), të jetë 4+1.
• tërheqja 2×4

Angelo Haruni/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.