Ndryshimet e miratuara në projektligj – TVSH-ja për reklamat në mediat audiovizive 6%
TVSH-ja për reklamat në mediat audiovizive do të jetë në masën 6 për qind. Në mbledhjen e fundit, Këshilli i Ministrave ka miratuar disa ndryshime në projektligjin “Për tatimin mbi vlerën e shtuar në Republikën e Shqipërisë.
“Në nenin 49 “Shkallët e reduktuara”, pas pikës 5 shtohen pikat 6 dhe 7, me këtë përmbajtje:
“6. Shkalla e reduktuar e tatimit mbi vlerën e shtuar, e cila aplikohet për furnizimin e shërbimit të reklamave nga media audiovizive, është 6 për qind”.
Së dyti, “Shkalla e reduktuar e tatimit mbi vlerën e shtuar, e cila aplikohet për furnizimin e mjeteve të transportit publik të udhëtarëve me autobus me dhjetë vende ose më shumë, vetëm me motor elektrik, është 10 për qind”, thuhet në vendim.
Aplikimi i pullave fiskale
Gjithashtu këshilli i ministrave ka miratuar edhe disa ndryshime në pr/ligjin “Për akcizat në Republikën e Shqipërisë”, ku pulla fiskale do të ketë edhe duhani i grirë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.