Ndryshimet klimatike do të zvogëlojnë popullsinë me 200 milion njerëz çdo vit

Përmbytjet, stuhitë, zjarret dhe thatësira mund të detyrojnë 200 milion njerëz çdo vit të mbështeten në ndihma humanitare për të mbijetuar, vetëm nëse merren paraprakisht masa adekuate: ky është vlerësimi i hartuar nga Federata Ndërkombëtare e Kryqit të Kuq dhe Gjysmëhënës së Kuqe (Ifrc) në një raport i lëshuar në shtator në New York.

Ifrc ka zgjedhur kornizën e samitit të OKB për klimën, aktualisht në zhvillim, për të bërë një apel për të intensifikuar përpjekjet kundër ngrohjes globale. Sot ka 108 milion njerëz të prekur nga ndryshimi i klimës: ata janë më të varfrit, me të ardhura nën 10 dollarë në ditë, mes 206 milion njerëzve që goditen nga fatkeqësitë natyrore çdo vit. Deri në vitin 2030, ato mund të rriten me 66% dhe pothuajse dyfish (+ 85%) deri në 2050.

Në të njëjtën kohë, përpjekja financiare e nevojshme për të ofruar ndihmë do të rritet gjithashtu: në rastin më të keq, do të arrinte 20 miliardë dollarë në vit deri në vitin 2030.

Sipas Michelle Bachelet, komisare e OKB për të drejtat e njeriut, ndryshimi i klimës ka pasoja gjeopolitike: 40% e luftërave civile të 60 viteve të fundit në fakt janë shkaktuar nga degradimi i kushteve mjedisore, në Sahel, Afrikë, humbja e tokës së punueshme “po intensifikon konkurrencën për kontrollin e burimeve ushqimore tashmë të pakta,” tha Bachelet. Një proces që acaron tensionet etnike dhe nxit paqëndrueshmërinë politike. (IS24O)

E.S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.