Ndryshimet kushtetuese për zgjedhjet, Koalicioni Opozitar: “I qëndrojmë dakordësisë së 5 qershorit”

Koalicioni opozitar ka reaguar përmes një deklaratë për mediat  lidhur  me miratimin e  ndryshimeve kushtetuese nga Këshilli I Legjislacionit dhe Komisioni Parlamentar I Ligjeve, që do t’I hapin rrugën listave partiake të hapura dhe për ndalimin e koalicioneve parazgjedhore Sipas këtij koalicioni kjo është  një tentativë  për prishjen e Dakordësisë së 5 Qershorit, të arritur me mbështetjen dhe ndërmjetësimin e plotë të partnerëve strategjikë SHBA – BE, duke bërë përgjegjës për këtë kryeministrin Edi Rama.

Në deklaratë thuhet se: “Ky akt minon procesin e integrimit europian të vendit dhe dëshmon përpara opinionit publik, se Rama për pushtetin e tij personal është në gjendje të hedh në erë të ardhmen europiane të Shqipërisë.Çdo lojë për të ndryshuar në mënyrë të fshehtë dhe të njëanshme Kushtetutën nga njeriu që është i tmerruar nga zgjedhjet dhe vullneti i qytetarëve, është dëshmi e fundit të tij të pashmangshëm. Ky akt rikonfirmon se Edi Rama është një mashtrues tinëzar që, për pushtetin e tij, shet interesat e vendit dhe të shqiptarëve, rrënon procesin e integrimit europian dhe izolon Shqipërinë, duke kërcënuar rëndë stabilitetin politik dhe  shoqëror të vendit.”

Koalicioni  bënë të qartë se Opozita e Bashkuar është e vendosur t’i shërbejë vetëm interesit të qytetarëve dhe mbështet plotësisht qëndrimet e qarta të të ndërkombëtarëve duke konfirmuar  se i qëndron plotësisht kodifikimit pa asnjë ndryshim të Dakordësisë së 5 Qershorit, si baza minimale për krijimin e një klime normale për zgjedhjet në Shqipëri.

Nertila Doko / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.