Ndryshimet në kodin rrugor – Komisioni i ligjeve miraton dokumentin e ri, penalitetet për pikët në patentë dhe kolaudimin
Komisioni parlamentar i Ligjeve ka miratuar ndryshimet në Kodin Rrugor, duke parashikuar masa shtesë për shkeljet e rregullave të qarkullimit rrugor, si dhe heqjes së pikëve të patentës. Gjatë prezantimit të ndryshimeve, zv. ministri i Brendshëm, Julian Hodaj u ndal dhe te këshillimi i drejtuesve të mjeteve, si një hap përpara vendosjes së gjobave.
Kreu i drejtorisë së Përgjithshme të Shërbimeve të Transporti Rrugor ritheksoi edhe njëherë parashikimet e reja në drejtim të kontrollit teknik të automjeteve, si dhe te një prej risive që lidhet me edukimin për sigurinë rrugore, si një formë për të parandaluar aksidentet.
Relatorja e projektligjit, Vasilika Hysi adresoi kritika në drejtim të konsultimit të dokumentit me grupet e interesit, teksa theksoi se ka nevojë edhe për përmirësimin e infrastrukturës rrugore, që jo pak herë bëhet shkak për aksidente apo shkelje të tjera të qarkullimit rrugor, duke penalizuar padrejtësisht drejtuesit e mjeteve.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.