Ndryshimi i ortakëve – Ulen gjobat për bizneset e vogla dhe personat fizikë
Bizneset e vogla dhe personat që nuk njoftojnë ndryshimin e ortakut pranë organeve kompetente brenda afatit 30 ditor, do të gjobiten më 50 mijë lekë.
Ndërsa për Shoqëritë Aksionere afati është 12 mujor dhe masa administrative më e lartë. Komisioni i Ekonomisë dhe Financave ka rrëzuar propozimin e Ministrisë së Financave, duke vendosur ulje të ndëshkimeve.
Ministrja e Financave i ka qëndruar strikte propozimit që gjobat të jenë më të larta, duke mos i parë ato si kërcënim.
Projektligji reflekton rekomandimet që i janë dhënë vendit tonë nga Komitet i MONEYVAL-it, lidhur me masat që duhet të marrë kundër pastrimit të parave dhe financimit të terrorizmit.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.