Ndryshojnë afatet e Tiranë-Elbasan/ Gjiknuri: Mund të përfundojë në pranverën e 2019-ës
Ndërsa të gjitha fondet e nevojshme për aksin Tiranë-Elbasan janë siguruar, sërish mund të shkelen afatet për përfundimin e projektit. Ndërsa ishte shprehur më parë se rruga do të ishte gati në Dhjetor të këtij viti, Ministri i Infrastrukturës, Damian Gjiknuri bën me dije se mund të ketë shtyrje disa mujore, dhe vepra të jetë tërësisht e përfunduar në pranverën e vitit të ardhshëm. Sipas tij rruga ka kërkuar një shtesë të konsiderueshme fondesh për shkak se projekti ishte dizajnuar keq.
Ndërsa raportoi mbi investimet me buxhetin e vitit 2019, në Komisionin Parlamentar të Ekonomisë dhe Financave, Gjiknuri bëri me dije se janë parashikuar të kompletohen një sërë aksesh, ndërsa nuk do të nisen projekte të reja nëse nuk ka financim.
Duke folur për projektet e pa studiuara mire, Ministri Gjiknuri theksoi gjithashtu, se parashikohet që një kosto prej 52 milionë dollarësh shtesë te këtë edhe aksi Qukës-Qafë Plloçë. Buxheti për Ministrinë e Infrastrukturës dhe Energjisë për vitin e ardhshëm është 46.9 miliardë lekë, apo 2 miliardë më pak se viti i kaluar.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.