Ndryshojnë financat vendore, formulë e re për ndarjen e fondeve
Projektligji i financave vendore ka qenë në qendër të diskutimeve të mbledhjes së parë të Këshilli Konsultativ të Qeverisjes Qendrore dhe Vetëqeverisjes Vendore, i ngritur në 19 janar të këtij viti.
Ministri i Shtetit për Çështjet Vendore, Bledi Çuci, theksoi se ligji do te kalojë përpara zgjedhjeve, ndërsa bëri me dije formulën e re për ndarjen e fondeve nga buxheti i shtetit tek 61 bashkitë në vend.
Ndërsa, Kryetari i Bashkisë, Erion Veliaj, ne cilësinë e Kryetarit të Shoqatës për Autonomi Vendore ka bërë disa propozime për aksesin e bashkive në fonde dhe në kreditim, duke kërkuar më shumë liri.
Këshilli Konsultativ i Qeverisjes Qendrore dhe Vetëqeverisjes Vendore diskuton politikat, ligjet apo nismat me ndikim të drejtpërdrejtë tek qeverisja dhe komunitetet vendore.
Elisabeta Dosku/RTV SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.