Ndryshon destinacioni i fondeve të BE – Zef Mazi: 70 milionë euro të Marrëveshjes IPA do shkojnë për tërmetin e Pandeminë

Fillimisht tërmeti e më pas Pandemia Covid 19 kanë ndërruar në masë të konsiderueshme fondet që Bashkimi Europian kanalizon në Shqipëri përmes Projektit IPA. Krye negociatori për anëtarësimin në Bashkimin Europian Zef Mazi ka paraqitur në Komisionin  parlamentar për Politikën e Jashtme ndryshimet që do të pësojë kjo marrëveshje krahasuar me variantin original të miratuar në vitin 2019.

Në marrëveshjen e 2019, fondet IPA prej 70 milionë dollarësh qenë parashikuar të përdoreshin në programe në fushat e Arsimit, punësimit, politikave sociale, dhe të mjedisi. Ndërkohë që në marrëveshjen e re që po shqyrtohet në Kuvend, parashikohet që 50.6 milionë euro me menaxhim nga delegacioni i BE, të përdoren për nevojat e kujdesit social, dhe arsimin para universitar.

Më tej janë parashikuar 8.7 milionë euro për tre prokurime nga Delegacioni Europian në Shqipëri po për të përballuar pasojat e pandemisë e të tërmetit, si dhe një 9 milionë euro të tjera nga të cilat pritet të përfitojnë 19 bashki në gjithë vendin.

Disa prej deputetëve kanë ngritur kritika mbi nivelin shumë të ulët të financimeve që përfitojnë institucionet shqiptare nga mekanizmat europiane.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.