Ndryshon qiraja për “Unazën e Re”- VKM-ja, pagesë e plotë deri në momentin e strehimit
Qeveria shqiptare ka ndryshuar vendimin përsa i përket afatit të qirasë, për banorët e Unazës së Re. Në vendimin e parë parashikohej qiraja për një periudhë 2-vjeçare për banorët që u shemben ndërtesat, ndërsa në vendimin e marrë në mbledhjen e qeverisë thuhet se banorët “përfitojnë nga programi social i strehimit pagesën e plotë të qirasë, nga momenti i mbarimit të afatit të përcaktuar deri në sistemimin me strehim në një nga programet që parashikon ligji për strehimin”.
Financimi i qirasë për familjet përfituese do të mbulohet 50% nga buxheti i shtetit dhe 50% nga buxheti i Bashkisë së Tiranës. Ndërsa, për vitin 2018, familjet që kanë përfituar bonusin e qirasë nga Bashkia e Tiranës përfitojnë vetëm diferencën ndërmjet qirasë së vlerësuar dhe shumës së bonusit që kanë përfituar.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.