Në 6 lindje rezulton një abort – Në 5 vite 26 mijë aborte, 105 në moshat 14-19 vjeç

Në 6 lindje ka një abort. Ky është rezultati për abortet në Shqipëri për vitin 2020 në bazë të raportit të nxjerrë nga  institutit i shëndetit public. Bazuar në të dhënat e regjistrit në një periudhë krahasimore 5 vjecare janë regjistruar gjithsej në vendin tonë 26 mijë aborte.

Numrin më të lartë të aborteve në rang qyteti e paraqet Vlora,  më pas Berati dhe fieri e më pas Tirana ndërsa më i ulëti Kukësi. Për sa i përket vendbanimit, numri total i aborteve është vazhdimisht më i lartë tek femrat që banojnë në zonat urbane 68.5% e totalit të aborteve për vitin 2020 dhe me se shumti nga femrat e martuara. Abortet spontane zënë peshën më të lartë kundrejt totalit të aborteve, krahasuar me ndërprerjet. Shumica e aborteve në vend kryhen nga gra të moshës 20-34 vjeç dhe reth 41% e aborteve janë kryer nga gra me nivel të ulët arsimor (arsim fillor ose 9-vjeçar).

Trendi i aborteve të kryera në vite, nxjerr në pah se gjithnjë e më tepër abortet kryhen kryesisht nga femrat të cilat nuk janë të punësuara dhe të siguruara. Për vitin 2020 abortet e kryera nga femrat e papuna zënë rreth 65.1% të aborteve totale kundrejt 76.7% që ka qenë përqindja e tyre në vitin 2016.

Në shkallë vendi  këto shifra kanë pësuar ulje, duke shkuar në 161.7 aborte për vitin 2020 krahasuar me 189.8 që ka qenë në vitin 2016(tabelë)

Aborti në Shqipëri u bë i ligjshëm në vitin 1995, por duhet të kryhet vetëm kur është i nevojshëm për shkak të problemeve shëndetësore apo keqformimit të bebes, por fenomeni i aborteve te adoleshentët mbetet shqetësues. Të dhënat e ISHP-së tregojnë se gjatë 2020 kanë abortuar 105 të rinj të moshave 14-19 vjeç.

Ulja e numrit të aborteve pavarësisht uljes së tyre graduale në vite ka qenë më e lartë gjatë 2020, edhe si pasojë e ndikimit të pandemisë COVID -19 në cilësinë e raportimit

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.