“Në bare, vetëm të vaksinuarit” – COVID-19/Manastirliu njofton masat e reja. PD, Shehu: Liberalizoni testet e shpejtë
Hyrja në bare e restorante do të lejohet vetëm për personat që janë të vaksinuar për COVID-19”. Gjithçka është bërë me dije nga ministrja e Shëndetësisë dhe Mbrojtjes Sociale, Ogerta Manastirliu, duke ndjekur praktikat e vendeve të tjerë evropianë.
Gjatë fjalës së saj në Kuvend, ministrja nuk bëri me dije nëse në këtë rast do të ofrohet alternativa për të paraqitur testin negativ, por më herët gjatë një interpelance, deputeti i Partisë Demokratike, Tritan Shehu e ndal te fakti se pavarësisht se në shumë vende të botës qytetarët i blejnë testet e shpejtë për COVID-19 në farmaci, në vendin tonë ky treg nuk është liberalizuar, duke u përqendruar në dorë të institucioneve shtetërore dhe atyre private”.
Debate pati edhe në drejtim të vaksinave që përdoren aktualisht në vendin tonë, që sipas Manastirliut janë të gjitha të certifikuara nga autoritet përkatëse, duke garantuar efikasitetin e tyre. Gjithashtu, sipas ministres, Shqipëria do të ndjekë objektivin e OBSH për vaksinimin e 70 % të popullsisë deri në mesin e vitit 2022. Ndërkohë që, edhe masa e fundit duket se do të shkojë në funksion të rritjes së shifrave të vaksinimit në vendin tonë.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.