Në cilat qytete mbizotëron dhuna në familje? Durrësi, Vlora dhe Tirana raportojnë më shumë. Shkodra, Dibra dhe Kukësi, më pak
Dhuna në familje, e sidomos dhuna ndaj grave është një problem i vazhdueshëm në vendin tonë. Të dhënat më të fundit të instat tregojnë se cilat janë qytetet ku problematika është më e madhe. Të dhënat tregojnë se në vend të parë me diferencë të madhe me ndjekësit është arku i Durrësit, ku në 2019-ën u raportuan 39 raste të dhunës në familje nga gra apo vajza për 10 mijë banorë. Më pas ndjek Vlora me 29.7 dhe Tirana me 26 raportime për 10 mijë banorë.
Mestarja kombëtare fiskohet në 23. Të dhënat jo domosdoshmërisht tregojnë se në këto qytete dhuna në familje është më e përhapur. Përkundrazi, të dhënat duket se sinjalizojnë se janë pikërisht këto qytete ku dhuna në familje dhe dhuna ndaj grave denoncohet më shumë nga këto të fundit.
Është pikërisht denoncimi i abuzimit problemi më madhor në këtë aspekt. Qarqet në fund të listës sa i përket raportimit të dhunës në familje nga gratë janë Shkodra, Dibra dhe Kukësi, me vetëm 6.5 raste denoncime për 10 mijë banorë. Në Kukës, raportimet për numër banorësh janë 6 herë më të ulta se në Durrës, ose 3.6 herë më pak se mesatarja kombëtare.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.