Në emër të bamirësisë! Mashtronin njerëzit për ndihma për tërmeti/ Finalizohet operacioni “Mashtrimi”
Policia e Shtetit ka proceduar penalisht drejtuesin e një fondacioni me qendër në Tiranë, për shkak të abuzimit dhe mashtrimit, në emër të ndihmave të tërmetit.
Rasti u evidentua në qytetin e Fierit, ku punonjësit e këtij fondacioni në Fier, bë bashkëpunim me drejtuesin A.SH, mblidhnin ndihma për të prekurit nga tërmeti, por nga verifikimet e kryera, ka rezultuar se këto ndihma nuk kanë shkuar për të prekurit nga tërmeti, por në llogari të fondacionit.
Shtetasit u kapën në afërsi të një qendre tregtare në Fier. Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme hetimore.
“Policia e Shtetit ju fton që për çdo denoncim apo sinjalizim të çfarëdolloj abuzimi apo shkeljeje të ligjit, të telefononi në numrin 112” shkruan Policia në njoftimin zyrtar.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.