Në Gjykatë “Star Airways” – Operoi në 2011 me fluturime 30 euro, I kërkohen borxhet

Operoi vetëm disa muaj në vitin 2011, por kreditorët nuk i harrojnë borxhet kontraktuale. Kompania telefonike Albtelecom ka paditur në Gjykatën e Tiranës kompaninë e fluturimeve “Star Airways” për faturat e papaguara të para 6 viteve. Seanca gjyqësore është zhvilluar në mungesë të “Star Airways” më 7 korrik të këtij viti.

Kompania “StarAirways” hyri në treg në fillimi të vitit 2011, duke konkurruar me çmime të ulëta të biletave, në rreth 30-50 euro për destinacionet kryesore në Itali. Por në fund të muajit gusht të këtij kompania u detyrua të dilte shpejt jashtë tregut pas problemeve me avionët e marrë me qira prej saj.

Sipas të dhënave të Qendrës Kombëtare të Biznesit, STAR AIRWAYS ALBANIA rezulton ende me statusin aktiv në sektorin e transporti.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.